காதல் வந்தால் சொல்லி - இயற்கை

---

இசை : வித்யாசாகர்	பாடல் : வைரமுத்து
குரல்கள் : திப்பு	வருடம் : 2003

---

காதல் வந்தால் சொல்லி அனுப்பு
உயிரோடிருந்தால் வருகிறேன்
என் கண்ணீர் வழியே.. உயிரும் வழிய..
கரையில் கரைந்து கிடக்கிறேன்
சுட்ட மண்ணிலே மீனாக - மனம்
வெட்டவெளியிலே வாடுதடி
சுட்ட மண்ணிலே மீனாக -மனம்
வெட்டவெளியிலே வாடுதடி
கண்ணீர் கலந்து கண்ணீர் கலந்து
கடல்நீர் மட்டம் கூடுதடி...

( காதல் வந்தால்...

உயிரைத் தவிர சொந்தம் இல்லையே காதலிக்கும் முன்பு
இந்த உலகே எந்தன் சொந்தமானதே காதல் வந்த பின்பு
சாவை அழைத்து கடிதம் போட்டேன் காதலிக்கும் முன்பு
ஒரு சாவை புதைக்க சக்தி கேட்கிறேன் காதல் வந்த பின்பு
உன்னால் என் கடலலை உறங்கவே இல்லை
உன்னால் என் நிலவுக்கு உடல் நலமில்லை
கடல் துயில் கொள்வதும் நிலா குணம் கொள்வதும்
நான் உயிர் வாழ்வதும் உன் சொல்லில் உள்ளதடி..
உன் இறுக்கம்தான் என்னுயிரை கொல்லுதடி கொல்லுதடி

( காதல் வந்தால்...

பிறந்த மண்ணை அள்ளித் தின்றேன் உன்னை காணும் முன்பு - நீ
நடந்த மண்ணை அள்ளித் தின்றேன் உன்னைக் கண்ட பின்பு
அன்னை தந்தை கண்டதில்லை நான் கண்திறந்த பின்பு - என்
அத்தனை உறவும் மொத்தம் கண்டேன் உன்னைக் கண்ட பின்பு
பெண்ணே என் பயணமோ தொடங்கவே இல்லை
அதற்குள் அது முடிவதா விளங்கவே இல்லை
நான் கரையாவதும் இல்லை நுரையாவதும்
வளர் பிறையாவதும் உன் சொல்லில் உள்ளதடி
உன் இறுக்கம்தான் என்னுயிரை கொல்லுதடி கொல்லுதடி..

காதல் வந்தால் சொல்லி அனுப்பு
காதல் வந்தால் சொல்லி அனுப்பு
சொல்லி அனுப்பு சொல்லி அனுப்பு

தாய்மடியே உன்னைத்தேடுகிறேன் - ரெட்

---

இசை : தேவா	பாடல் :
குரல்கள் : திப்பு	வருடம் : 2000

---

தாய்மடியே உன்னைத்தேடுகிறேன்
தாரகையும் உருகப் பாடுகிறேன்
பத்துத் திங்கள் என்னை சுமந்தாயே – ஒரு
பத்தே நிமிடம் தாய்மடி தா தாயே
நீ கருவில் மூடிவைத்த என்னுடம்பு
நடுத் தெருவில் கிடக்கிறது பார் தாயே
உதிரம் வெளியேறும் காயங்களில் – என்
உயிரும் ஒழுகுமுன்னே வா தாயே
தெய்வங்கள் இங்கில்லை உன்னை அழைக்கிறேன்...

( தாய்மடியே உன்னைத்...

விண்ணை இடிக்கும் தோள்கள் மண்ணை அளக்கும் கால்கள்
அள்ளிக் கொடுத்த கைகள் அசைவிழந்ததென்ன
கனல்கள் தின்னும் கண்கள் கனிந்து நிற்கும் இதழ்கள்
உதவி செய்யும் பார்வை உயிர் குலைந்ததென்ன
பாரதபோர்கள் முடிந்த பின்னாலும் கொடுமைகள் இங்கே குறையவில்லை
ஏசுகள் என்றோ மமாண்ட பின்னாலும் சிலுவைகள் இன்னும் மரிக்கவில்லை

( தாய்மடியே உன்னைத்...

படைநடத்தும் வீரன் பசித்தவரகள் தோழன்
பகைவருக்கும் நண்பன் படும் துயரமென்ன
தாய்ப்பாலாய் உண்ட ரத்த்தம் தரை விழந்ததென்ன
இவன் பேருக்கேற்ற வண்ணம் நிலம் சிவந்ததென்ன
தீமைகள் என்றும் ஆயுதம் ஏந்தி தேர்களில் ஏறி வருவதென்ன
தர்மங்கள் என்றும் பல்லக்கில் ஏறி தாமதமாக வருவதென்ன

( தாய்மடியே உன்னைத்...