கடலில எழும்புற அலைகள - செம்பருத்தி

---

இசை : இளையராஜா	பாடல் : கவிஞர் வாலி
குரல்கள் : இளையராஜா	வருடம் : 1992

---

கடலில எழும்புற அலைகள கேளடி ஓ மானே
மீனவர் படுகின்ற அவதிகள் கூறிடும் ஓ மானே
கடல் தண்ணி கரிக்குது காரணம் இருக்குது ஓ மானே
உடல் விட்ட வேர்வைகள் கடல் வந்து கலக்குது ஓ மானே

பூமரங்கள் எத்தனையோ பூமியிலே காய்க்குது
பாய்மரம்தான் நாங்க கொண்ட பட்டினிய தீர்க்குது...
பிள்ளைகுட்டி எங்களுக்கு பாசவலை வீசுது
எங்கசனம் மீன்பிடிக்க ஈரவலை வீசுது
ஊரைநம்பி வாழ்ந்திடாமே நீரைநம்பி வாழுறோம்
கால்பிடிச்சு வாழ்ந்திடாமே மீன்பிடிச்சு வாழுறோம்
மானே ஓ மானே

( கடலில எழும்புற அலைகளை

தூரக்கடல் போனவனை தாரம் நின்னு தேடுவா
தோணி வந்து சேரும் வரை ஆடியே அல்லாடுவா
பெத்தெடுத்த பிள்ளையுடன் தத்தளிச்சு வாடுவா
நெத்திப் பொட்டை காக்க சொல்லி சாமிகள வேண்டுவா
மீனவர்கள் வாழ்க்கை என்றும் முள்ளுமேல வாழைதான்
சூறக்காத்து ஆட்டி வைக்கும் சின்னத்தென்னம் பாளைதான்
மானே ஓ மானே

( கடலில எழும்புற அலைகளை

கலைவாணியோ ராணியோ - வில்லுப்பாட்டுக்காரன்

---

இசை : இளையராஜா	பாடல் : கவிஞர் வாலி
குரல்கள் : எஸ்.பி.பாலசுப்ரமணியம்	வருடம் : 1992

---

கலைவாணியோ ராணியோ அவள்தான் யாரோ
சிலைமேனியோ தேவியோ எதுதான் பேரோ

அவ மேலழகும் தண்டைக் காலழகும்
தெனம் பார்த்திருந்தா வில்லுப்பாட்டு வரும்

( கலைவாணியோ ராணியோ

பாதந்தொடும் பூங்கொலுசு தானதந்தோம் பாட
வேதங்களும் நாதங்களும் வேண்டிவந்தது கூட
பாதங்கள பார்த்ததுமே பார்வை வர்லியே மேலே
வேதனைகளை மாத்திடும் அவ விரிஞ்ச செண்பகச்சோல
பூத்ததய்யா பூவு அது கையழகு
தூக்குதய்யா வாசம் அது மெய்யழகு
நான் வந்தேன் வாழ்த்திப் பாட
நல்லதை சொன்னேன் ராகத்தோட
கண்டேன் சீதைப்போல
கண்டதும் நின்னேன் சிலையைப்போல
இந்திரலோகம் சந்திரலோகம் சுந்தரலோகம் போற்ற

( கலைவாணியோ ராணியோ

கோடை மழை கொண்டு வரும்
கூந்தல் என்கிற மேகம்
ஜாடையில ஏத்தி விடும்
ராகம் என்கிற மோகம்
கோடியில ஒருத்தியம்மா கோலமயில் ராணி
ஆடி வரும் பூங்கலசம் அழகிருக்கும் மேனி
தேர் நடந்து தெருவில் வரும் ஊர்வலமா
ஊருலகில் அவளப் போல பேர் வருமா
நல்ல பளிங்கு போல சிரிப்பு
மனசப் பறிக்கும் பவள விரிப்பு
விளங்கிடாத இனிப்பு
விவரம் புரிஞ்சிடாத துடிப்பு
சந்திர ஜோதி வந்தது போல்
சுந்தர தேவி ஜொலிப்பு

( கலைவாணியோ ராணியோ

நட்ட நடு கடல் மீது - செம்பருத்தி

---

இசை : இளையராஜா	பாடல் : பிறைசூடன்
குரல்கள் : நாகூர் ஹனிபா - மனோ	வருடம் : 1992

---

கடலிலே தனிமையில் போனாலும்
கண்மணி உன் நினைவில் களைப்பாருவேன்
அலைகளில் தத்தளித்தாலும்
அவள் நினைவில் முக்குளிப்பேனே
அடியே அமுதே இதுவே போதும்

நட்ட நடு கடல் மீது நான் பாடும் பாட்டு
சிட்டு அவள் காதோரம் சேர்க்காதோ காத்து
நித்தம் உனை காணாது
நித்திரையும் தோணாது
சித்திரமே முத்துரதமே
எட்டி எட்டிப் போனாலும்
கெட்டு மனம் போகாது
அற்புதமே அன்னக்கிளியே

பிரிந்தது உயிரல்ல உடல்தான்
விட்டு விலகாது உயிர் காதலே
கரையிலே கன்னி துடித்தாளே
கட்டு மரம் மீதில் காளை தவித்தானே
இதுதான் காதலில் இடைவேளை

வந்தவர்கள் போவார்கள் போகாது காதல்
வங்கக்கடல் மீதாணை தேயாது காதல்
சுத்தி வரும் புயலென்ன
கொட்டுகின்ற இடியென்ன
அன்பு விளக்கென்றும் எரியும்
தெய்வத்திற்கு திரையென்ன
காதலுக்கு மறைவென்ன
உங்களுக்கு என்று புரியும்
ஆற்றிலே இக்கரையில் நின்று
அக்கரைக்கு தூது விடக் கூடலாம்
எண்ணத்தைச் சொல்ல நடு ஆழியில்
அன்னப் பறவையை நான் எங்கு தேடுவேன்
அடியே அமுதே வருந்தாதே

விட்டு இனி போகாது விடிவெள்ளி தூரம்
கட்டு மரம் கடலாடி கரையேறும் நேரம்
உப்பெடுக்கும் நேரம் ஒன்று
முத்தெடுக்கும் நேரம் இன்று
சித்திரமே செப்புக் குடமே
கட்டும் உண்டு காவலும் உண்டு
நம்மை என்ன செய்யும் இன்று
நித்திலமே முத்துரதமே

( நட்ட நடு கடல் மீது ...

முத்து மணி மாலை - சின்ன கவுண்டர்

---

இசை : இளையராஜா	பாடல் : ஆர்.வி.உதயகுமார்
குரல்கள் : எஸ்.பி.பாலசுப்ரமணியம் - சுசீலா	வருடம் : 1992

---

முத்து மணி மாலை
உன்ன தொட்டு தொட்டு தாலாட்ட
வெட்கத்திலே சேலை
கொஞ்சம் விட்டு விட்டு போராட
உள்ளத்திலே நீ தானே
உத்தமி உன் பேர் தானே
ஒரு நந்தவன பூ தானே
புது சந்தனமும் நீ தானே

முத்து மணி மாலை
உன்ன தொட்டு தொட்டு தாலாட்ட

கொலுசு தான் மௌனமாகுமா மனசு தான் பேசுமா
மேகம் தான் நிலவு மூடுமா மவுசு தான் குறையுமா
நேசப்பட்டு வந்த பாசக் கொடிக்கு
காசி பட்டு தந்த ராசாவே
வாக்கப் பட்டு வந்த வாசமலரே
வண்ணம் கலையாத ரோசாவே
தாழம் பூவுல வீசும் காத்துல
பாசம் தேடி மாமா வா

முத்து மணி மாலை
என்ன தொட்டு தொட்டு தாலாட்ட
வெட்கத்திலே சேலை
கொஞ்சம் விட்டு விட்டு போராட

காலிலே போட்ட மிஞ்சி தான் காதுல பேசுதே
கழுத்துல போட்ட தாலிதான் காவியம் பாசுதே
நெத்திச்சுட்டி ஆடும் உச்சந்தலையில்
பொட்டு வெச்சதாரு நாந்தானே
அத்தி மரப்பூவும் அச்சப்படுமா
பக்கத்துணையாரு நீதானே
ஆசை பேச்சுல பாதி மூச்சிலே
லேசா தேகம் சூடேர

( முத்து மணி மாலை

சின்ன சின்ன ஆசை - ரோஜா

---

இசை : ஏ.ஆர்.ரகுமான்	பாடல் : வைரமுத்து
குரல்கள் : மின்மினி	வருடம் : 1992

---

சின்ன சின்ன ஆசை சிறகடிக்கும் ஆசை
முத்து முத்து ஆசை முடிந்து வைத்த ஆசை
வெண்ணிலவு தொட்டு முத்தமிட ஆசை
என்னை இந்த பூமி சுற்றிவர ஆசை

( சின்ன சின்ன ஆசை...

மல்லிகைப் பூவாய் மாறிவிட ஆசை
தென்றலைக் கண்டு மாலையிட ஆசை
மேகங்களையெல்லாம் தொட்டு விட ஆசை
சோகங்களையெல்லாம் விட்டு விட ஆசை
கார்குழலில் உலகை கட்டி விட ஆசை

( சின்ன சின்ன ஆசை...

சேற்று வயலாடி நாற்று நட ஆசை
மீன் பிடித்து மீண்டும் ஆற்றில்விட ஆசை
வானவில்லை கொஞ்சம் உடுத்திக்கொள்ள ஆசை
பனித்துளிக்குள் நானும் படுத்துக்கொள்ள ஆசை
சித்திரத்து மேனி சேலை கட்ட ஆசை

( சின்ன சின்ன ஆசை...

வைகை நதியோரம் - ரிக்ஷா மாமா

---

இசை : இளையராஜா	பாடல் : கவிஞர் வாலி
குரல்கள் : எஸ்.பி.பாலசுப்ரமணியம்-ஜானகி	வருடம் : 1992

---

எண்ணம் எனும் ஏட்டில் நான் பாடும் பாட்டில்
நீ வாழ்கிறாய்.. நித்தம் வரும் மூச்சி..

ஐயய்யே.. கொஞ்சம் இருங்க, கொஞ்சம் இருங்க..
என்னாங்க பாடுறீங்க? அப்படியில்லை..
நான் பாடுறேன் பாருங்க..

வைகை நதியோரம் பொன்மாலை நேரம் காத்தாடுது
கள்வடியும் பூக்கள் காத்தோடு சேர்ந்தே கூத்தாடுது
இது அன்பின் வேதம் அதை நாளும் ஓதும்
இது அன்பின் வேதம் நாளும் ஓதும் காத்தே

வைகை நதியோரம் பொன்மாலை நேரம் காத்தாடுது
ஆமா..
கள்வடியும் பூக்கள் காத்தோடு சேர்ந்தே கூத்தாடுது

கரெக்ட்டு, இது கரெக்ட்டு.

மாலை மழை மேகம் தன்னை மெதுவாய் அழைத்தேன்
துணை வர வேண்டுமென்று தூது சொல்லத்தான்
மூண்டு வரும் மோகம் தன்னை மடலாய் வரைந்தேன்
நினைவுகள் பூத்த வண்ணம் நானும் மெல்லத்தான்
ஓர் சோலை புஷ்பம்தான் திரு கோயில் சிற்பம்தான்
ஓர் சோலை புஷ்பம்தான் திரு கோயில் சிற்பம்தான்
இதன் ராகம் தாளம் பாவம் அன்பை கூறும்

( வைகை நதியோரம்...

யாரின் மனம் யாருக்கென்று இறைவன் வகுத்தான்
இருமனம் சேர்வதிங்கு தேவன் சொல்லித்தான்
பூஜைக்கிது ஏற்றதென்று மலரை படைத்தான்
தலைவனும் மாலையென்று சூடிக்கொள்ளத்தான்
ஓர் நெஞ்சின் ராகம்தான் விழி பாடும் நேரம்தான்
ஓர் நெஞ்சின் ராகம்தான் விழி பாடும் நேரம்தான்
இது அன்பின் வேதம் நாளும் ஓதும் காற்றே

( வைகை நதியோரம்...

சின்னச் சின்ன தூறல் - செந்தமிழ் பாட்டு

---

இசை : இளையராஜா	பாடல் :
குரல்கள் : எஸ்.பி.பாலசுப்ரமணியம்	வருடம் : 1992

---

சின்னச் சின்ன தூறல் என்ன
என்னைக் கொஞ்சும் சாரல் என்ன
சிந்தச் சிந்த ஆவல் பின்ன
நெஞ்சில் பொங்கும் பாடல் என்ன

( சின்ன சின்ன...

உனது தூறலும் இனிய சாரலும்
தீண்டும் மேகம் சிலிர்க்குதம்மா...

அது தீண்டும் மேகமில்ல..
தேகம் சிலிர்க்குதம்மா..

உனது தூறலும் இனிய சாரலும்
தீண்டும் தேகம் சிலிர்க்குதம்மா
நனைந்த பொழுதிலும் குளிர்ந்த மனதினில்
ஏதோ ஆசை துடிக்குதம்மா
மனித ஜாதியின் பசியும் தாகமும்
உன்னால் என்றும் தீருமம்மா
வாரித் தந்த வள்ளல் என்று
பாரில் உன்னைச் சொல்வதுண்டு
இனமும் குலமும் இருக்கும் உலகில்
அனைவரும் இங்கு சரிசமம் என உணர்த்திடும் மழையே..

( சின்ன சின்ன...

பிழைக்கு யாவரும் தவிக்கும் நாட்களில்
நீயோ இங்கே வருவதில்லை

படிச்சவன் பாட்டை கெடுத்தான் கதையால்ல இருக்கு
பிழைக்கும்ன்னு எழுதலையே..
மழைக்குன்னுதானே எழுதியிருக்கேன்...

மழைக்கு யாவரும் தவிக்கும் நாட்களில்
நீயோ இங்கே வருவதில்லை
வெடித்த பூமியும் மானம் பார்க்கையில்
நீயோ கண்ணில் தெரிவதில்லை
உனது சேத்யை பொழியும் தேதியை
முன்னால் இங்கே யாரறிவார்
நஞ்சை மண்ணும் புஞ்சை மண்ணும்
நீயும் வந்தால் பொன்னாய் மின்னும்
உனது பெருமை உலகம் அறியும்
இடிஎனும் இசை முழங்கிட வரும் மழையெனும் மகளே..

( சின்ன சின்ன...

புது வெள்ளை மழை – ரோஜா

---

இசை : ஏ.ஆர்.ரகுமான்	பாடல் : வைரமுத்து
குரல்கள் : உன்னிமேனன்-சுஜாதா	வருடம் : 1992

---

புது வெள்ளை மழை இங்கு பொழிகின்றது
இந்த கொள்ளை நிலா உடல் நனைகின்றது
இங்கு சொல்லாத இடம் கூட குளிர்கின்றது
மணம் சூடான இடம் தேடி அலைகின்றது

( புது வெள்ளை...

நதியே நீயானால் கரையாவேன்
சிறு பறவை நீயானால் உன் வானம் நானே

( புது வெள்ளை...

பெண் இல்லாத ஊரிலே அடி ஆண் பூக்கேட்பதில்லை
பெண் இல்லாத ஊரிலே கொடிதான் பூ பூப்தில்லை
உன் புடவை முந்தானை சாய்ந்ததில் இந்த பூமி பூ பூத்தது
இது கம்பன் பாடாத சிந்தனை உந்தன் காதோடு யார் சொன்னது

( புது வெள்ளை...

நீ அணைக்கின்ற வேளையில் உயிர் பூ திடுக்கென்று மலரும்
நீ வெடுக்கென்று ஓடினால் உயிர் பூ சருகாக உலரும்
இரு கைகள் தீண்டாத பெண்மையை உன் கண்கள் பந்தாடுதே
மலர் மஞ்சம் சேராத பெண்ணிலா எந்தன் மார்போடு வந்தாடுதோ

( புது வெள்ளை...

பாத கொலுசு பாட்டு - திருமதி.பழனிச்சாமி

---

இசை : இளையராஜா	பாடல் : கவிஞர் வாலி
குரல்கள் :	வருடம் : 1992

---

பாத கொலுசு பாட்டு பாடி வரும் பாடி வரும்
பாவ சொகுசு பார்க்க கோடி பெறும் கோடி பெறும்
பாத கொலுசு பாட்டு பாடி வரும் பாடி வரும்
பாவ சொகுசு பார்க்க கோடி பெறும் கோடி பெறும்

சித்தாடை போட்ட சின்னமணித்தேரு
சில்லென்னு பூத்த செவ்வரளிப்பூவு
செப்பால செஞ்சு வச்ச அம்மன் செலதான்..

( பாத கொலுசு...

குத்தால மேகமெல்லாம் கூந்தலிலே நீந்தி வரும்
கொய்யாத மாங்கனியை கொடியிடை தான் ஏந்தி வரும்
மத்தாப்பு வானமெல்லாம் வாய்சிரிப்பு காட்டி வரும்
மானோடு மீனிரண்டை மைவிழியோ கூட்டி வரும்
பொன்னாக ஜொலிக்கும் பெண்பாவை அழகு
ஒன்னாக கலந்த முந்நூறு நிலவு
பொட்டோடு பூவும் கொண்டு தாவும் மயில் தான்

(பாத கொலுசு)

செஞ்சாந்து குழம்பெடுத்து தீட்டி வச்ச சித்திரமே
தென்பாண்டி கடல் குளித்து கொண்டு வந்த முத்தினமே
தொட்டாலும் கை மணக்கும் தென்பழனி சந்தனமே
தென்காசித் தூறலிலே கண்விழித்த செண்பகமே
பெண்ணாக பிறந்த பல்லாக்கு நீயோ
ஈரேழு உலகில் ஈடாக யாரோ
நெஞ்சோடு கூடு கட்டி கூவும் குயிலோ

( பாத கொலுசு...

பெண்ணென்ற ஜாதியிலே ஆயிரத்தில் அவளொருத்தி
பொன் வைரம் கொடுத்தாலும் போதாது சீர்செனத்தி
கல்யாண பந்தலிலே நான் அவளை நேர் நிறுத்தி
பூமாலை சூட்டிடுவேன் மாப்பிள்ளை நான் பட்டு உடுத்தி
அன்றாடம் அலைந்து எங்கேயும் தேடி
கண்டேனே எனக்கு தோதான ஜோடி
வந்தாச்சு காலநேரம் மாலையிடத்தான்

( பாத கொலுசு...

மணிக்குயில் இசைக்குதடி - தங்கமனசுக்காரன்

---

இசை : இளையராஜா	பாடல் : பிறைசூடன்
குரல்கள் : மனோ	வருடம் : 1992

---

மணிக்குயில் இசைக்குதடி... மனமதில் மயங்குதடி ...
மணிக்குயில் இசைக்குதடி... மனமதில் மயங்குதடி ...
சிறகுகள் விரிந்ததடி... இளங்குருவிகள் பறந்ததடி...
அடி மானே... மயங்குவதேனோ
உனைத்தானே... உருகுவதேனோ
இளங்காற்றே கைகள் வீசி வா
இதம் தேடும் கதைகள் பேச வா
இளங்காற்றே கைகள் வீசி வா
இதம் தேடும் கதைகள் பேச வா

( மணிக்குயில் இசைக்குதடி...

கட்டழகு தோட்டம் கண்டால் கம்பன் மகன் நானம்மா
சிட்டுவிழி சேதி சொன்னால் அந்த சுகம் தேனம்மா
பட்டம்விட்டு வாழும் வாழ்க்கை இன்று வந்து கூடுமோ
சட்டதிட்டம் ஏதுமில்லா பிள்ளைகுணம் ஆகுமோ
ஊர்கோலம் போகும்... கார்கால மேகம்
பூக்கோலம் நாளும்தான்
இளங்காற்றே கைகள் வீசி வா
இதம் தேடும் கதைகள் பேச வா

( மணிக்குயில் இசைக்குதடி...

ஆற்றுநீரில் ஆட்டம் போட்டு ஆடி வந்த நாட்களும்
நேற்று வந்த காற்றுப் போலே நெஞ்சை விட்டு போகுமா
அந்தி வந்து சேர்ந்தபின்னே நாள் முடிந்து போனதா
சந்தனந்தான் காய்ந்த பின்னே வாசமின்றி போனதா
நீராடும் மேகம்... தாலாட்டு கேளு
ஊர்கோலம் என்றும்தான்
இளங்காற்றே கைகள் வீசி வா
இதம் தேடும் கதைகள் பேச வா

( மணிக்குயில் இசைக்குதடி...

பாதகொலுசு பாட்டு – திருமதி பழனிசாமி

---

இசை : இளையராஜா	பாடல் : கவிஞர் வாலி
குரல்கள் : எஸ்.பி.பாலசுப்ரமணியம்	வருடம் : 1992

---

பாதகொலுசு பாட்டு பாடிவரும் பாடிவரும்
பாவசொகுசுப் பாக்க கோடிபெரும் கோடிபெரும்

சித்தாட போட்ட சின்னமணித் தேரு
சில்லுன்னு பூத்த செவ்வரளிப் பூவு
செப்பால செஞ்சு வச்ச அம்மன் செலதான்

( பாதகொலுசு பாட்டு ...

குத்தால மேகமெல்லாம் கூந்தலிலே நீந்திவரும்
கொய்யாத மாங்கனியை கொடியிடைதான் ஏந்திவரும்
மத்தாப்பு வானமெல்லாம் வாய்சிரிப்புக் காட்டிவரும்
மானோடு மீனிரண்டை மைவிழியோ கூடிவரும்
பொன்னாக ஜொலிக்கும் பெண்பாவை அழகு
ஒன்னாக கலந்த முந்நூறு நிலவு
பொட்டோடு பூவும் கொண்டு தாவும் மயில்தான்

( பாதகொலுசு பாட்டு ...

செஞ்சாந்து குழம்பெடுத்து தீட்டிவைத்த சித்திரமே
தென்பாண்டி கடல்குளித்து கொண்டுவந்த முத்தினமே
தொட்டாலும் கைமணக்கும் தென்பழனி சந்தனமே
தென்காசித் தூரலிலே கண்விழித்த சென்பகமே
பெண்ணாக பிறந்த பல்லாக்கு நீயோ
ஈரேழு உலகில் ஈடாக யாரோ
நெஞ்சோடு கூடுகட்டிக் கூவும் குயிலோ

( பாதகொலுசு பாட்டு ...

பெண்ணென்ற ஜாதியிலே ஆயிரத்தில் அவளொருத்தி
பொன்வைரம் கொடுத்தாலும் போதாது சீர்சனத்தி
கல்யாண பந்தலிலே நான் அவளை நேர்நிறுத்தி
பூமாலை சூடிடுவேன் மாப்பிள்ளை நான் பட்டுடுத்தி
அன்றாடம் அலைந்து எங்கேயும் தேடி
கண்டேனே எனக்கு தோதான ஜோடி
வந்தாச்சு காலநேரம் மாலையிடத்தான்

( பாதகொலுசு பாட்டு ...