உன்னாலே எந்நாளும் - தெறி

---

இசை : ஜி.வி.பிரகாஷ்	பாடல் : நா.முத்துகுமார்
குரல்கள் : ஹரிஹரன் - சைந்தவி	வருடம் : 2016

---

உன்னாலே எந்நாளும்
என் ஜீவன் வாழுதே !

சொல்லாமல் உன் சுவாசம்
என் மூச்சில் சேருதே !!

உன் கைகள் கோர்க்கும் ஓர் நொடி;
என் கண்கள் ஓரம் நீர்த்துளி...

உன் மார்பில் சாய்ந்து சாகத் தோணுதே... ஓ...ஓ...


( உன்னாலே எந்நாளும்...


விடிந்தாலும் வானம் இருள் பூச வேண்டும்
மடி மீது சாய்ந்து கதைப்பேச வேண்டும்

முடியாத பார்வை நீ வீச வேண்டும்
முழுநேரம் என் மேல் உன் வாசம் வேண்டும்

இன்பம் எதுவரை - நாம்
போவோம் அதுவரை

நீ பார்க்கப் பார்க்க காதல் கூடுதே... ஓ... ஓ...


( உன்னாலே எந்நாளும்...


ஏராளம் ஆசை என் நெஞ்சில் தோன்றும்
அதையாவும் பேச பல ஜென்மம் வேண்டும்

ஓ... ஏழேழு ஜென்மம் ஒன்றாக சேர்ந்து
உன்னோடு இன்றே நான் வாழ வேண்டும்

காலம் முடியலாம் - நம்
காதல் முடியுமா

நீ பார்க்கப் பார்க்க காதல் கூடுதே... ஓ... ஓ...

( உன்னாலே எந்நாளும்...

வானம் என்ன வானம் - ப்ரியமான தோழி

---

இசை : எஸ்.ஏ. ராஜ்குமார்	பாடல் : பா.விஜய்
குரல்கள் : ஹரிஹரன்	வருடம் : 2003

---

வானம் என்ன வானம் தொட்டுவிடலாம்
வெல்லும் வரை வாழ்க்கை வென்று விடலாம்
வில்லாக வானவில்லை கையில் ஏந்த வேண்டும்
அம்பாக மின்னல்களை அள்ளி வரவேண்டும்
நிலவுக்கு மேலே நின்று ஜே போட வேண்டும்

விண்வெளியின் மேலே புல்வெளி வைப்போம்
புல்வெளியின் மேலே பூத்துக் கிடப்போம்

( வானம் என்ன வானம்…

நெஞ்சிலே இந்த நெஞ்சிலே கடல் பொங்குதே ஆனந்தமாய்
கையிலே இந்த கையிலே வெற்றி வந்ததே ஆரம்பமாய்
அட வாழ்வில் இன்றே திறப்பு விழா
இனி வாழ்க்கை எங்கும் வசந்தங்களா
கடலுக்கிங்கே கைகள் தட்ட கற்றுத் தந்திடலாம்
பூவுக்கெல்லாம் ரெக்கை கட்டி
பறக்கச் சொல்லிடலாம்

( வானம் என்ன...

சொந்தமாய் ஒரு சூரியன் அந்த வானத்தைக்கேட்டால் என்ன
இல்லையேல் நாம் சொந்தமாய் ஒரு வானத்தத செய்தால் என்ன
ஏ பூவே பூவே என்ன சிரிப்பு
உன் வாசம் எல்லாம் வீட்டுக்கனுப்பு
சிகரம் என்ன சிகரம் எல்லாம் சின்னப்புள்ளிகளே
காற்றுக்கில்லை காற்றுக்கில்லை முற்றுபுள்ளிகளே

( வானம் என்ன...

சுட்டும் விழிச்சுடர்தான் கண்ணம்மா - கண்டுகொண்டேன் கண்டுகொண்டேன்

---

இசை : ஏ.ஆர்.ரகுமான்	பாடல் : பாரதியார்
குரல்கள் : ஹரிஹரன்	வருடம் : 2000

---

சுட்டும் விழிச்சுடர்தான் கண்ணம்மா சூரிய சந்திரரோ
வட்டக் கரியவிழி கண்ணம்மா வானக் கருமை கொள்ளோ
பட்டுக் கருநீலப் புடவை பதித்த நல் வைரம்
நட்ட நடு நிசியில் தெரியும் நட்சத்திரங்களடி

சோலை மலரொளியோ உனது சுந்தரப் புன்னகைதான்
நீலக் கடலலையே உனது நெஞ்சின் அலைகளடி
கோலக் குயிலோசை உனது குரலின் இனிமையடி
வாலைக் குமரியடி கண்ணம்மா மருவக் காதல் கொண்டேன்

சாத்திரம் பேசுகிறாய் சாத்திரம் ஏதுகக்டி
ஆத்திரம் கொண்டவர்க்கே கண்ணம்மா சாத்திரம் உண்டோடி
மூத்தவர் சம்மதியில் வதுவை முறைகள் பின்பு செய்வோம்
காத்திருப்பேனோடி இது பார் கன்னத்து முத்தம் ஒன்று

காதல் வெண்ணிலா கையில் - வானத்தைப் போல

---

இசை : எஸ்.ஏ. ராஜ்குமார்	பாடல் : பா.விஜய்
குரல்கள் : ஹரிஹரன்	வருடம் : 2000

---

காதல் வெண்ணிலா கையில் சேருமா
சொல்லு பூங்காற்றே நீ சொல்லு பூங்காற்றே
இமையாக நானும் இருப்பேன்
இமைக்காமல் பார்த்து ரசிப்பேன்
பல ஜென்மம் நான் எடுப்பேன்
உனக்காக காத்திருப்பேன்

( காதல் வெண்ணிலா…

வானத்து நிலவாய் நீ இருந்தால்
உனக்கு பதில் நான் தேய்ந்திடுவேன்
தீபத்தை போலே நீ இருந்தால்
உனக்கு பதில் நான் உருகிடுவேன்
பூவனம் போலே நீ இருந்தால்
பூவுக்கு பதில் நான் உதிர்ந்திடுவேன்
சொல்லு பூங்காற்றே
நீ சொல்லு பூங்காற்றே

( காதல் வெண்ணிலா…

ஓவியம் போல் உன்னை வரைந்திடவே
உதிரம் கொண்டு நிறமெடுப்பேன்
சிலையென உன்னை செதுக்கிடவே
இமைகள் என்னும் உளியெடுப்பேன்
கவிதையைப் போல் உன்னை எழுதிடவே
உயிருக்குள் இருந்து சொல் எடுப்பேன்
சொல்லு பூங்காற்றே
நீ சொல்லு பூங்காற்றே

( காதல் வெண்ணிலா…

பொய் சொல்லக்கூடாது காதலி - ரன்

---

இசை : வித்யாசாகர்	பாடல் : அறிவுமதி
குரல்கள் : ஹரிஹரன் - சாதனா சர்கம்	வருடம் : 2002

---

பொய் சொல்லக்கூடாது காதலி
பொய் சொன்னாலும் நீயே என் காதலி
பொய் சொல்லக்கூடாது காதலி
பொய் சொன்னாலும் நீயே என் காதலி
கண்களால் கண்களில் தாயம் ஆடினாய்
கைகளால் கைகளில் ரேகை மாற்றினாய்
பொய் ஒன்றை ஒப்பித்தாய்
ஐயையோ தப்பித்தாய்
கண்மூடித் தேடத்தான்
கனவெங்கும் தித்தித்தாய்

( பொய் சொல்லக்கூடாது…

அழகிய பொய்கள் பூக்கும் பூச்செடி கண்டேன்
ரகசியமாக உயிரைத் தோண்டி பதியம் போட்டுக் கொண்டேன்
கண்டவுடன் எனையே தின்றதடி விழியே
என்னைவிட்டுத் தனியே சென்றதடி நிழலே
அடி சுட்டும் விழிச்சுடரே
நட்சத்திரப் பயிரே
ரெக்கை கட்டி வா நிலவே

பொய் ஒன்றை ஒப்பித்தாய்
ஐயையோ தப்பித்தாய்
கண்மூடித் தேடத்தான்
கனவெங்கும் தித்தித்தாய்

( பொய் சொல்லக்கூடாது…

ஒரு மழை என்பது ஒரு துளிதானா கண்ணே
நீ ஒற்றைத் துளியா கோடி கடலா
உண்மை சொல்லடி பெண்ணே
கன்னக்குழி நடுவே சிக்கிக்கொண்டேன் அழகே
நெற்றிமுடி வழியே தப்பிவந்தேன் வெளியே
அடி பொத்திவைத்த புயலே
தத்தளிக்கும் திமிரே
வெட்கம் விட்டு வா நிலவே

நில் என்று கண்டித்தாய்
உள் சென்று தண்டித்தாய்
சொல் என்று கெஞ்சத்தான்
சொல்லாமல் வஞ்சித்தாய்

( பொய் சொல்லக்கூடாது…

ஒரு தடவை சொல்வாயா - வசீகரா

---

இசை : எஸ்.ஏ. ராஜ்குமார்	பாடல் : நா.முத்துகுமார்
குரல்கள் : ஹரிஹரன் - சின்மயி	வருடம் : 2002

---

ஒரு தடவை சொல்வாயா
உன்னை எனக்கு பிடிக்கும் என்று
ஒரு பார்வை பார்த்தாயா
உன்னை எனக்கு பிடிக்கும் என்று
காதல் ஒரு புகையைப் போல
மறைத்து வைத்தால் தெரிந்து விடும்
காதலில் தான் பூக்கள் மோதி
மலைகள் கூடி உடைந்து விடும்
உன்னை ஒளிக்காதே என்னை வதைக்காதே
என்றும் இதயத்தில் இலக்கணம் கிடையாதே

நதியில் தெரியும் நிலவின் உருவம்
நதிக்கு சொந்தமில்லை
நினைப்பதெல்லாம் நடக்கும் வாழ்க்கை
யாருக்கும் அமைவதில்லை
உனக்கும் எனக்கும் விழுந்த முடிச்சு தானாய் விழுந்ததில்லை
உலக உருண்டை உடையும் போதும் காதல் உடைவதில்லை
மின்மினி தேசத்து சொந்தக்காரன்
விண்மீன் கேட்பது தவறாகும்
வரலாற்றில் வாழ்கின்ற காதல் எல்லாம்
வலியோடு போராடும் காதல் தானே

( ஒரு தடவை...

நெருங்க நினைக்கும் நினைவை மறக்க
நெஞ்சம் நினைக்கிறது
கனவில் பூக்கும் பூக்கள் பறிக்க
பெண்மை அழைக்கிறது
கிளையை முறித்து போட்டு விடலாம் வேரை என்ன செய்வாய்
தரையை உடைத்து முளைக்கும் போது அன்பே எங்கு செல்வாய்
மல்லிகை பூக்கள் உதிர்வதெல்லாம்
மரத்தடி நிழலுக்கு சொந்தமில்லை
உன்னோடு நான் வாழ போராடுவேன்
நீ இன்றி போனாலும் தள்ளாடுவேன்

( ஒரு தடவை...

என்ன இதுவோ என்னைச் - ஆனந்தம்

---

இசை : எஸ்.ஏ. ராஜ்குமார்	பாடல் : விவேகா
குரல்கள் : ஹரிஹரன்	வருடம் : 2001

---

என்ன இதுவோ என்னைச் சுற்றியே புதிதாய் ஒளி வட்டம்
கண்கள் மயங்கி கொஞ்சம் படுத்தால் கனவில் ஒரு சத்தம்
நேற்று பார்த்தேன் நிலா முகம்
தோற்று போனேன் ஏதோ சுகம்
ஏ தென்றல் பெண்ணே இது காதல் தானடி
உன் கண்களோடு இனி மோதல் தானடி

( என்ன இதுவோ...

காதலே வாழ்க்கையின் வேதம் என்று ஆனது
கண்களால் சுவாசிக்க கற்று தந்தது
பூமியே சுழல்வதாய் பள்ளிபாடம் சொன்னது
இன்றுதான் என்மனம் ஏற்றுக்கொண்டது
ஓஹோ காதலி என் தலையணை நீயென நினைத்துக்கொள்வேன்
அடி நான் தூங்கினால் அதை தினம் தினம் அணைத்துக்கொள்வேன்
கோடை கால பூங்காற்றாய் எந்தன் வாழ்வில் வீசினாய்

( என்ன இதுவோ...

புத்தகம் புரட்டினால் பக்கம் எங்கும் உன் முகம்
பூமியில் வாழ்வதாய் இல்லை ஞாபகம்
கோயிலின் வாசலில் உன் செருப்பை தேடுவேன்
கண்டதும் நொடியிலே பக்தன் ஆகுவேன்
ஓஹோ காதலி என் நழுவிய கைக்குட்டை எடுப்பது போல்
சாலை ஓரமாய் நீ நடப்பதை குனிந்து நான் ரசித்திடுவேன்
உன்னை பார்க்கும் நாளெல்லாம் சுவாசக்காற்று தேவையா

( என்ன இதுவோ...

என்னை தாலாட்ட வருவாளோ - காதலுக்கு மரியாதை

---

இசை : இளையராஜா	பாடல் : பழனிபாரதி
குரல்கள் : ஹரிஹரன்	வருடம் : 1997

---

என்னை தாலாட்ட வருவாளோ
நெஞ்சில் பூ மஞ்சம் தருவாளோ
தங்க தேராட்டம் வருவாளோ
இல்லை ஏமாற்றம் தருவாளோ
தத்தளிக்கும் மனமே தத்தை வருவாளா
மொட்டு இதழ் முத்தம் ஒன்று தருவாளா
கொஞ்சம் பொறு கொலுசொலி கேட்கிறதே

( என்னை தாலாட்ட...

பூவிழி பார்வையில் மின்னல் காட்டினாள்
ஆயிரம் ஆசைகள் என்னில் ஊட்டினாள்
ஏனோ ஏனோ நெஞ்சை பூட்டினாள்
இரவு பகலும் என்னை வாட்டினாள்
இதயம் அவள் பெயரில் மாற்றினாள்
காதல் தீயை வந்து மூட்டினாள்
நான் கேட்கும் பதில் இன்று வாராதா
நான் தூங்க மடி ஒன்று தாராதா
தாகங்கள் தாபங்கள் தீராதா
தாளங்கள் ராகங்கள் சேராதா
வழியோரம் விழி வைக்கிறேன்...

எனது இரவு அவள் கூந்தலில்
எனது பகல்கள் அவள் பார்வையில்
காலம் எல்லாம் அவள் காதலில்
கனவு கலையவில்லை கண்களில்
இதயம் துடிக்கவில்லை ஆசையில்
வாழ்வும் தாழ்வும் அவள் வார்த்தையில்
கண்ணுக்குள் இமையாக இருக்கின்றாள்
நெஞ்சுக்குள் இசையாக துடிக்கின்றாள்
நாளைக்கு நான் காண வருவாளோ
பாலைக்கு நீர் ஊற்றி போவாளோ
வழியோரம் விழி வைக்கிறேன்...

( என்னை தாலாட்ட...

ஏதோ ஒரு பாட்டு - உன்னிடத்தில் என்னை கொடுத்தேன்

---

இசை : எஸ்.ஏ. ராஜ்குமார்	பாடல் : தாமரை
குரல்கள் : ஹரிஹரன்	வருடம் : 1998

---

ஏதோ ஒரு பாட்டு என் காதில் கேட்கும்
கேட்கும் போதெல்லாம் உன் ஞாபகம் தாலாட்டும்

ஏதோ ஒரு பாட்டு என் காதில் கேட்கும்
கேட்கும் போதெல்லாம் உன் ஞாபகம் தாலாட்டும்

என் கண்களின் இமைகளிலே உன் ஞாபகம் சிறகடிக்கும்
நான் சுவாசிக்கும் மூச்சினிலே உன் ஞாபகம் கலந்திருக்கும்
ஞாபகங்கள் மழையாகும் ஞாபகங்கள் குடையாகும்
ஞாபகங்கள் தீ மூட்டும் ஞாபகங்கண் நீரூட்டும்

(ஏதோ ஒரு...

கவிதை என்றாலே உன் பெயரின் ஞாபகமே
கேட்கும் இசையெல்லாம் நீ பேசும் ஞாபகமே
பூக்களுன் மேலே பனித்துளி பார்த்தால் முகப்பரு ஞாபகமே
அதிர்ஷ்டம் என்றதும் உந்தன் மச்சம் ஞாபகம்
அழகு என்றதும் உந்தன் மொத்தம் ஞாபகம்

(ஏதோ ஒரு...

தென்றல் என்றாலே உன் வாசல் ஞாபகமே
வசந்தம் என்றாலே உன் வருகை ஞாபகமே
தொட்டால் சிணுங்கி பார்த்தால் உந்தன் வெட்கம் ஞாபகமே
அலைகள் போலவே மோதும் உந்தன் ஞாபகம்
மறந்து போனதே எனக்கு எந்தன் ஞாபகம்

(ஏதோ ஒரு...

பூசு மஞ்சள் பூசு - கனவே கலையாதே

---

இசை : தேவா	பாடல் : வைரமுத்து
குரல்கள் : ஹரிஹரன்	வருடம் : 1999

---

பூசு மஞ்சள் பூசு மஞ்சள் பூசிய பூவொன்று
பூமியோடு போன பின்னும் பூத்தது ஏன் இன்று
என் கண்கள் பொய் சொல்லுமா
வேரில்லாமல் பூப்பூக்குமா
கண்ணோடு ஆனந்தமா - என்
நெஞ்சோடு பூகம்பமா
பிம்பமா உன் போலே பிம்பமா ஹோ...
நம்புமா என் உள்ளம் நம்புமா

(பூசு மஞ்சள்...

உயிர் நீங்கி போனவளே - என்
உயிர் வாங்கி போனவளே
என் உயிர் போன தேகம் மட்டும் நடமாடுது
பாரம்மா என் வாழ்வை பாரம்மா
நீ தந்த காயங்கள் நெஞ்சோடு ஆறுமுன்னே
அழகான வாளொன்று அதை கீறுதே
தாங்குமா என்னுள்ளம் தாங்குமா
உன் போன்ற புன்னகையால் என் வாழ்வை குடிப்பவள் யார்
உன் போன்ற பார்வையினால் என் கண்ணை எரிப்பவள் யார்
ஒரு தொடர்கதையே இங்கு விடுகதையா
அந்த விடையின் முதல் எழுத்தை
எந்தன் விதி வந்து மறைத்ததே
பொங்குதே கண்ணீரும் பொங்குதே
கண்களில் உன் பிம்பம் தங்குதே

(பூசு மஞ்சள்...

வடக்கே ஒரு அஷ்தமனம்
தெற்கே ஒரு சந்திரோதயம்
ஆகாயம் என்னோடு திசை மாறுதே
உண்மையா நான் என்ன பொம்மையா
ஒரு ஜென்மம் வாங்கி வந்து
இரு ஜென்மம் வாழுகிறேன்
இது என்ன கதை என்று விதி கேட்குதே
மாயமா என் கண்ணீர் மாறுமா
எங்கேயோ தொலைந்த விதை
இங்கே வந்து பூத்ததென்ன
முல்லைப்பூ என்றிருந்தேன்
முள்ளோடு பாய்ந்ததென்ன
நான் ஓட நினைக்க
நிழல் என்னை துரத்த
உயிர் தழைக்கும் பயணம்
எந்த திருப்பத்தில் முடியும்
ஓய்ந்ததே என் கால்கள் ஓய்ந்ததே
தீர்ந்ததே கண்ணீரும் தீர்ந்ததே

(பூசு மஞ்சள்..

நீ தூங்கும் நேரத்தில் - மனசெல்லாம்

---

இசை : இளையராஜா	பாடல் :
குரல்கள் : ஹரிஹரன்	வருடம் : 2003

---

நீ தூங்கும் நேரத்தில் என் கண்கள் தூங்காது
நீ தூங்கும் நேரத்தில் என் கண்கள் தூங்காது
கண்மணியே ஓ கண்மணியே..
கண்ணுக்குள் கண்ணாக என்றென்றும்
நீ வேண்டும் என்னுயிரே ஓ.... என் உயிரே..
(நீ தூங்கும்...

பூ ஒன்று உன் மீது விழுந்தாலும் தாங்காது
என் நெஞ்சம் புண்ணாய் போகுமே ஓஓ..
நீ தூங்கும் ஓ..கண்மணியே..ஆரிரோ..ஆரிரோ..ஆரிரோ..
ஆரிரோ..ஆரிரோ..ஆரிரோ..ஆரிரோ..ஆரிரோ..ஆரிரோ..

மடி மீது நீ இருந்தால்
சொர்க்கங்கள் உண்மை என்று ஆகாதோ
நொடி நேரம் பிரிந்தாலும்
காலங்களும் நின்று போகாதோ
ஒரு மூச்சில் இரு தேகம்
வாழ்வது நாமன்றி வேறாரோ
நம் காதல் வெள்ளத்தில்
நடுவே நாம் இருந்தாலும்
என் நெஞ்சம் தாகம் கொள்ளுதே ஓஓ

(நீ தூங்கும்...

கண்ணோடும் நெஞ்சோடும்
உயிரால் உன்னை மூடிக் கொண்டேனே
கனவோடும் நினைவோடும்
நீங்காமல் உன்னருகில் வாழ்ந்தேனே
மதி பறிக்கும் மதிமுகமே
உன் ஒளி அலை தன்னில் நான் இருப்பேனே
எங்கே நீ சென்றாலும்
அங்கே நான் வருவேனே
மனசெல்லாம் நீ தான் நீ தானே.. ஓ..ஓ...

வெண்மேகம் பெண்ணாக - யாரடி நீ மோகினி

---

இசை : யுவன்ஷங்கர் ராஜா	பாடல் : நா.முத்துகுமார்
குரல்கள் : ஹரிஹரன்	வருடம் : 2007

---

வெண்மேகம் பெண்ணாக உருவானதோ
இந்நேரம் எனைப் பார்த்து விளையாடுதோ
உன்னாலே பல ஞாபகம்
என் முன்னே வந்தாடுதே…
ஒரு நெஞ்சம் திண்டாடுதே…
வார்த்தை ஒரு வார்த்தை சொன்னால் என்ன ?
பார்வை ஒரு பார்வை பார்த்தால் என்ன ?
உன்னாலே பல ஞாபகம்
என் முன்னே வந்தாடுதே…
ஒரு நெஞ்சம் திண்டாடுதே…

( வெண்மேகம்…

மஞ்சள் வெயில் நீ.. மின்னல் ஒளி நீ..
உன்னைக் கண்டவரை கண் கலங்க நிற்க வைக்கும் தீ…
பெண்ணே என்னடி.. உண்மை சொல்லடி..
ஒரு புன்னகையில் பெண்ணினமே கோபபட்டதென்னடி…
தேவதை வாழ்வது வீடில்லை கோயில்
கடவுளின் கால் தடம் பார்க்கிறேன்
ஒன்றா.. இரண்டா.. உன் அழகை பாட
கண் மூடி ஒரு ஓரம் நான் சாய்கிறேன்
கண்ணீரில் ஆனந்தம் நான் காண்கிறேன்
உன்னாலே பல ஞாபகம்
என் முன்னே வந்தாடுதே…
ஒரு நெஞ்சம் திண்டாடுதே…

எங்கள் மனதை கொள்ளை அடித்தாய்
இந்த தந்திரமும் மந்திரமும்
எங்கு சென்று படித்தாய்?
விழி அசைவில் வலை விரித்தாய்
உன்னை பல்லக்கினில்
தூக்கி செல்ல கட்டலைகள் விதித்தாய்
உன் விரல் பிடித்திடும்
வரம் ஒன்று கிடைக்க…
உயிருடன் வாழ்கிறேன் நானடி
என் காதலும் என்னாகுமோ…
உன் பாதத்தில் மண்ணாகுமோ…

( வெண்மேகம்…

காற்றிலே காற்றிலே - மதராசப்பட்டினம்

---

இசை : ஜி.வி.பிரகாஷ்	பாடல் : நா.முத்துகுமார்
குரல்கள் : ஹரிஹரன்	வருடம் : 2010

---

ஆயிரம் ஆயுதம் எதிர்வரும் போதும்
அன்பெனும் சக்தியை வென்றவரில்லை
காரிருள் நீங்கிடும் காலியில் மறுபடி
கிழக்கினில் ஒளி வருமே
பேய்களும் நரிகளும் துரத்திடும் போதும்
பாதையில் பள்ளங்கள் பறித்திடும் போதும்
போர்களம் நடுவிலும் ரகசியமாக
பூவொன்று மலர்ந்திடுமே

காற்றிலே காற்றிலே ஈரங்கள் கூடுதே
கண்களின் நீரது காற்றினில் சேருதே
நீயென்று நானென்று தனியானது – இன்று
நாமென்று ஒன்றாகும் நிலையானது
நெஞ்சோடு நேசித்த பந்தமிது – இன்று
கைசேர கண்ணீரே விலையானது

( ஆயிரம் ஆயுதம் ....

நதிபோகும் வழியில் யாரும் அணைபோட்டு தடுத்திடக் கூடும்
மேகத்தில் அணைபோட வழியில்லையே
நிகழ்காலம் கண்ணின் முன்னே
வரும்காலம் கனவின் பின்னே
விதிபோடும் கணக்குக்கு விடையில்லையே
இரவும் பகலும் தொடரும்
வெயிலும் மழையும் தொடரும்
இதயம் இணையும் தருணம் வருமா
இருளும் ஒளியும் பழகும்
விடிந்தும் விடியா நிமிடம்
விடிந்தால் வாழ்க்கை தொடங்கும் கனவா

( பேய்களும் நரிகளும் ....

ஒருவானம் போதாதென்று பலவானம் கேட்போம் இன்று
கைகோர்த்து ஒன்றாக பறந்தோடவே
நெடுங்காலம் கனவில் வாழ்ந்தோம்
இப்போது கைகள் சேர்த்தோம்
இறந்தாலும் இருப்போமே பிரியாமலே
இரவும் பகலும் யுத்தம்
இடையில் உயிரின் சத்தம்
இதயம் முழுதும் கேட்டால் சுகமே

எதிரும் புதிரும் பாரம்
எங்கள் நெஞ்சில் ஈரம
அன்பே என்றும் இன்பம் தருமே

( ஆயிரம் ஆயுதம் ....

வண்ண நிலவே - நினைத்தேன் வந்தாய்

---

இசை : தேவா	பாடல் : பழனிபாரதி
குரல்கள் : ஹரிஹரன்	வருடம் : 1998

---

வண்ண நிலவே வண்ண நிலவே வருவது நீதானா
வாசனைகள் வருகிறதே வருவதே நிஜம்தானா
ஒரு நூறு நிலாவின் வெளிச்சம் பார்த்தேன் உன் கண்ணில்
அடி கோடி புறாக்கள் கூட்டம் கண்டேன் என் நெஞ்சில்
கண் மூடினால் உன் ஞாபகம் பூப்பூக்குதே என் வாலிபம்

( வண்ண நிலவே...

கண்கள் அறியா காற்றைப் போலே கனவில் வந்து தழுவியதென்ன
பாதி இரவில் தூக்கத்தைக் கலைக்கும் பூவே உந்தன் முகவரி என்ன
மெதுமெதுவாய் முகம் காட்டும் பௌர்ணமியே ஒளியாதே
பெயரைக் கூட சொல்லாமல் என் உயிரே பிழியாதே
நினைவோடு தந்ததையெல்லாம் நிஜமாகத் தருவாயா
உயிருக்கு உயிரைத் தந்தே உறவாட வருவாயா

(வண்ண நிலவே...

கூந்தல் காட்டில் வழி தெரியாமல் மாட்டிக்கொண்டேன் என் வழியென்ன
உன்னை எங்கோ தேடித்தேடி தொலைந்தே போனேன் என் கதி என்ன
மழை மேகம் நான் ஆனால் உன் வாசல் வருவேனே
உன் மீது மழையாகி என் ஜீவன் நனைவேனே
கனவோடு வந்தாய் பெண்ணே நேரில் வரப் பொழுதில்லையோ
தவம் போதவில்லை என்றே தேவதை வரவில்லையோ

(வண்ண நிலவே...

ரகசிய கனவுகள் - பீமா

---

இசை : ஹாரிஸ் ஜெயராஜ்	பாடல் : யுகபாரதி
குரல்கள் : ஹரிஹரன்-மதுஸ்ரீ	வருடம் : 2007

---

ரகசிய கனவுகள் ஜல் ஜல்
என் இமைகளை கழுவுது சொல் சொல்
இளமையில் இளமையில் ஜில் ஜில்
என் இருதயம் நழுவுது செல் செல்

முதல் பிறை போல் மனதினிலே விழுந்தது உனதுருவம்
ஓ... உதடுகளால் உனை படிப்பேன் இருந்திடு அரைநிமிடம்
தொலைவது போல் தொலைவதுதான் உலகில் உலகில் புனிதம்

இறகே இறகே மயிலிறகே வண்ண மயிலிறகே
வந்து தொடு அழகே
தொட தொட பொழிகின்ற சுகம் சுகமே
கண் பட பட புதிர்களும் அவிழ்ந்திடுமே

( இறகே இறகே...

மறுபடி ஒரு முறை பிறந்தேனே
விரல் தொட புருவம் சிவந்தேனே
ஓ... இல்லாத வார்த்தைக்கும் புரிகின்ற அர்த்தம் நீ
சொல்லாத இடமெங்கும் சுடுகின்ற முத்தம் நீ

சுடும் தனிமையை உணர்ந்திட மர நிழல் போல என்னை சூழ
நரம்புகளோடு குறும்புகள் நானும் எழுது என் கணக்கு
எனதிரு கைகள் தழுவிட நீங்கும் இருதய சுளுக்கு

( ரகசிய கனவுகள்...

உயிர் அணு முழுவதும் உனைப் பேச
இமை தொடும் நினைவுகள் அனல் வீச
நினைச்சாலே செவப்பாகும் மருதாணி தோட்டம் நீ
தலை வைத்து நான் தூங்கும் தலகாணி கூச்சம் நீ
எனதிரவினில் கசிகிற நிலவொளி நீயே படர்வாயே
நெருங்குவதாலே நொறுங்கி விடாது இருபது வருடம்
ஹோ.. தவறுகளாலே தொடுகிற நீயோ அழகிய மிருகம்

( ரகசிய கனவுகள்...

குயிலினமே குயிலினமே எனக்கொரு சிறகு கொடு
முகிலினமே முகிலினமே முகவரி எழுதி கொடு
அவனிடமே அவனிடமே எனது கனவை அனுப்பு

( இறகே இறகே...

ஒரு மணி அடித்தால் - காலமெல்லாம் காதல் வாழ்க

---

இசை : தேவா	பாடல் :
குரல்கள் : ஹரிஹரன்	வருடம் : 1997

---

ஒரு மணி அடித்தால் கண்ணே உன் ஞாபகம்
டெலிபோஃன் குயிலே வேண்டும் உன் தரிசனம்
போதும் பெண்ணே நீ நடத்தும் நாடகமே
தூங்கும்போதும் தூங்கவில்லை உன் ஞாபகமே
பாடினால் அந்தப் பாடலின் ஸ்வரம் நீயடியோ
தேடினால் விழி ஈரமாவதும் ஏனடியோ

(ஒரு மணி...

வாசம் மட்டும் வீசும் பூவே வண்ணம் கொஞ்சம் காட்டுவாயா
தென்றல் போல எங்கும் உன்னை தேடுகிறேன் நான் தேடுகிறேன்
தேடி உன்னைப் பார்த்துப் பார்த்து கண்கள் ரெண்டும் வேர்த்து வேர்த்து
சிந்தும் விழி நீரில் நானே மூழ்குகிறேன் நான் மூழ்குகிறேன்
வீசிடும் புயல் காற்றிலே நான் ஒற்றைச் சிறகானேன்
காதலின் சுடும் தீயிலே நான் எறியும் விறகானேன்
மேடைதோறும் பாடல் தந்த வான்மதியே
ஜீவன் போகும் முன்பு வந்தால் நிம்மதியே
போதும் பெண்ணே நீ நடத்தும் நாடகமே
தூங்கும்போதும் தூங்கவில்லை உன் ஞாபகமே

(ஒரு மணி...

உந்தன் முகம் பார்த்த பின்னே கண்ணிழந்து போவதென்றால்
கண்கள் ரெண்டும் நான் இழப்பேன் இப்போதே நான் இப்போதே
உந்தன் முகம் பார்க்கும் முன்னே நான் மறைந்து போவதென்றால்
கண்கள் மட்டும் அப்பொழுதும் மூடாதே இமை மூடாதே
காதலே என் காதலே எனை காணிக்கை தந்துவிட்டேன்
சோதனை இனி தேவையா சுடும் மூச்சினில் வெந்துவிட்டேன்
காதல் என்னும் சாபம் தந்த தேவதையே
காணலாமோ ராகம் நின்று போவதையே
போதும் பெண்ணே நீ நடத்தும் நாடகமே
தூங்கும்போதும் தூங்கவில்லை உன் ஞாபகமே

(ஒரு மணி...

கொஞ்சநாள் பொறு தலைவா - ஆசை

---

இசை : தேவா	பாடல் : கவிஞர் வாலி
குரல்கள் : ஹரிஹரன்	வருடம் : 1995

---

கொஞ்சநாள் பொறு தலைவா – ஒரு
வஞ்சிக்கொடி இங்க வருவா
கண்ணிரண்டில் போர் தொடுப்பா – அந்த
வெண்ணிலவ தோக்கடிப்பா
காமாட்சி மீனாட்சி என்ன பேரோ நானறியேன்
தென்னாடோ எந்நாடோ எந்த ஊரோ நானறியேன்
ராசாத்தி ராசாத்தி அட்ரஸ் என்ன கண்டுபுடி
ராவோடு ராவாக அள்ளிவர நாங்களடி

ஓ... நேத்துக்கூட தூக்கத்துல பார்த்தேன் அந்த பூங்குயில
தூத்துக்குடி முத்தெடுத்து கொத்து வச்ச மாலை போல
வேத்துகொட்டி கண்விழிச்சு பாத்தா
அவ ஊடிபோனா உச்சிமல காத்தா
சொப்பனத்தில் இப்படிதான் எப்பவுமே வந்து நிப்பா
சொல்லப்போனா பேரழகில் சொக்கத்தங்கம் போலிருப்பா
வத்திகுச்சி இல்லாமலே காதல் தீய பத்தவைப்பா
தேனாறு பாலாறு போல வந்த கண்ணுக்குள்ள
தேசியக்கொடி போல குத்திவச்சேன் நெஞ்சுக்குள்ள
ராசாத்தி ராசாத்தி அட்ரஸ் என்ன கண்டுபுடி
ராவோடு ராவாக அள்ளிவர நாங்களடி

( கொஞ்சநாள் பொறு...

பச்சைதாவணி பறக்க அங்கு தன்னையே அவன் மறக்க
வெச்ச கண்ணு வாங்களியே என் மாமன் கண்ணு தூங்கலியே

என்னோடுதான் கண்ணாமூச்சி என்றும் ஆடும் பட்டாம்பூச்சி
கட்டாயம் என் காதல் ஆட்சி கைகூடும் பார் தென்றல் சாட்சி
சிந்தனையில் வந்து வந்து போறா அவ சந்தனத்தில் செஞ்சு வச்ச தேரா
என்னுடைய காதலிய ரொம்ப ரொம்ப பத்திரமா
எண்ணமெங்கும் ஒட்டி வெச்சேன் வண்ண சித்திரமா
வேறொருத்தி வந்து தங்க என் மனசு சத்திரமா
ஆத்தாடி அம்மாடி என்ன சொல்ல கட்டழக
ஆவாரம் பூவாட்டாம் வாய் வெடிச்ச மொட்டழக
ராசாத்தி ராசாத்தி அட்ரஸ் என்ன கண்டுபுடி
ராவோடு ராவாக அள்ளிவர நாங்களடி

( கொஞ்சநாள் பொறு...

மனம் விரும்புதே - நேருக்கு நேர்

---

இசை : தேவா	பாடல் : கவிஞர் வாலி
குரல்கள் : ஹரிஹரன்	வருடம் : 1997

---

மனம் விரும்புதே உன்னை உன்னை மனம் விரும்புதே
உறங்காமலே கண்ணும் கண்ணும் சண்டை போடுதே
நினைத்தாலே சுகம்தானடி நெஞ்சில் உன் முகம்தானடி
அயய்யோ மறந்தேனடி உன்பேரே தெரியாதடி

( மனம் விரும்புதே...

அடடா நீயொரு பார்வை பார்த்தாய்
அழகாய்தானொரு புன்னகை பூத்தாய்
அடிநெஞ்சில் ஒரு மின்னல் வெட்டியது
அதிலே என்மனம் தெளியும் முன்னே
அன்பே உந்தன் அழகு முகத்தை
யார் வந்தென் இளமார்பில் ஒட்டியது
புயல் வந்து போனதொரு வனமாய் ஆனதடி என் நெஞ்சம்
என் நெஞ்சில் உனது கரம் வைத்தால் என் நிலைமை அது சொல்லும்
மனம் ஏங்குதே.... மனம் ஏங்குதே....
மீண்டும் பார்க்க... மனம் ஏங்குதே....

( மனம் விரும்புதே...

மழையோடு நான் கரைந்ததுமில்லை
வெயிலோடு நான் உருகியதில்லை
பாறைப் போல் என்னுள்ளம் இருந்ததடி
மலைநாட்டுக் கரும்பாறை மேலே
தலையாட்டும் சிறு பூவைப் போலே
பொல்லாத இளம் காதல் பூத்ததடி
சட்டென்று சலனம் வருமென்று ஜாதகத்தில் சொல்லலியே
நெஞ்சோடு காதல் வருமென்று நேற்று வரை நம்பலியே
என் காதலி.... என் காதலி....
நீ பார் ... என் காதலி....

( மனம் விரும்புதே...

நான் வானவில்லையே பார்த்தேன் - மூவேந்தர்

---

இசை : சிற்பி	பாடல் : அறிவுமதி
குரல்கள் : ஹரிஹரன்	வருடம் : 1998

---

நான் வானவில்லையே பார்த்தேன்
அதைக் காணவில்லையே வேர்த்தேன்
நான் வானவில்லையே பார்த்தேன்
அதைக் காணவில்லையே வேர்த்தேன்
ஒருக்கோடி மின்னலை பார்வை ஜன்னலாய்
வீசச்சொல்லியாக் கேட்டேன் - இனி நிலவை பார்க்கவே மாட்டேன்
ஓ...ஓ...ஓ...ஓ...

கூந்தல் கண்டவுடன் மேகம் வந்ததென மயிலும் நடனமிடுமோ
பூவில் ஆடிவரும் வண்டு இமையில் விழ கண்களாகிவிடுமோ
தேடித் தின்றுவிட ஆசைக்கிள்ளுதடி தேனில் செய்த இதழோ
மூடிவைத்த முயல் மூச்சுமுட்டுதடி மீட்க என்ன வழியோ
பகல்நேரம் நிலவைப் பார்த்தது நானடி கண்ணம்மா
முந்தானை வாசம் வந்தது ஆறுதல் சொல்லம்மா
விழி கண்டவள் கண்டிட கெஞ்சுது நெஞ்சது கொஞ்சம் நில்லம்மா

( நான் வானவில்லையே பார்த்தேன்

சேலை சூடியொரு சோலை போன வழி பூக்கள் சிந்திவிழுமோ
பாறையான மனம் ஈரமானதடி பார்வை தந்த வரமோ
பாதம் பட்ட இடம் சூடு கண்டு உனை நானும் கண்டுவிடுவேன்
காதலான மழை சாரல் தூவிவிட மார்பில் ஒதுங்கி விடுவேன்
பொய்மானைத் தேடிசென்றது ராமனின் கண்ணம்மா
மெய்மானைத் தேடிசென்றது மாறனின் நெஞ்சம்மா
விழி கண்டவள் கண்டிட கெஞ்சுது நெஞ்சது கொஞ்சம் நில்லம்மா

( நான் வானவில்லையே பார்த்தேன்

இருபது கோடி நிலவுகள் - துள்ளாத மனமும் துள்ளும்

---

இசை : எஸ்.ஏ. ராஜ்குமார்	பாடல் : வைரமுத்து
குரல்கள் : ஹரிஹரன்	வருடம் : 1999

---

இருபது கோடி நிலவுகள் கூடி பெண்மை ஆனதோ...
என் எதிரே வந்து புன்னகை செய்ய கண் கூசுதோ...
குழைகின்ற தங்கங்கள் கன்னங்கள் ஆகாதோ...
நெளிகின்ற வில் ரெண்டு புருவங்கள் ஆகாதோ

நூறுகோடி பெண்கள் உண்டு உன்போல் யாருமில்லையே -ஆனால்
கன்னி உந்தன் கண்கள் கண்கள் மட்டும் காணவில்லையே

( இருபது கோடி ...

தங்கமான கூந்தல் தாழ்ந்து வந்ததென்ன
வந்து உந்தன் பாதம் கண்டு வணக்கம் சொல்லவோ
தேன் மிதக்கும் உதடு சேர்ந்திருப்பதென்ன
ஒன்றையொன்று முத்தம் இட்டு இன்பம் கொள்ளவோ
மானிடபிறவி என்னடி மதிப்பு- உன்
கால்விரல் நகமாய் இருப்பதே சிறப்பு
நூறுகோடி பெண்கள் உண்டு உன்போல் யாருமில்லையே -ஆனால்
கன்னி உந்தன் கண்கள் கண்கள் மட்டும் காணவில்லையே

( இருபது கோடி ...

ஜுலை மாதம் பூக்கும் கொண்டை பூக்கள் போலே
சேலை கொண்ட பெண்ணின் அங்கம் தோற்றம் காட்டுதே
தாஜ்மஹாலின் வண்ணம் மாறக்கூடும் பெண்ணே
மின்னும் உந்தன் கன்னம் இன்னும் வண்ணம் கூடுதே
நிறமுள்ள மலர்கள் சோலைக்கு பெருமை
நீயுள்ள ஊரில் வசிப்பது பெருமை
நூறுகோடி பெண்கள் உண்டு உன்போல் யாருமில்லையே -ஆனால்
கன்னி உந்தன் கண்கள் கண்கள் மட்டும் காணவில்லையே

( இருபது கோடி ...